Մոսկվայում ձերբակալվել է վաճառելու նպատակով թոռանն առևանգած տատիկը
Մոսկվայի դատարանը մեղադրանք է ներկայացրել մերձմոսկովյան Դեդովսկ քաղաքի հիվանդանոցից իր թոռանն առևանգած տատիկին և նրա գործընկերոջը: Այս մասին հաղորդում է Ria.ru-ն՝ հղում կատարելով ՌԴ ՔՀ տարածաշրջանային քննչական գլխավոր բաժանմունքի հայտարարությանը:
Հունիսի կեսերին անհայտ անձինք Դեդովսկի քաղաքային հիվանդանոցի մանկական բաժանմունքի հիվանդասենյակից առևանգել են նորածին տղային: Հանցագործությունը լայն հասարակական հնչեղություն է ստացել, երեխայի անհետացման վերաբերյալ հայտարարություններ են փակցվել ողջ տարածաշրջանում:
Քննիչները պարզել են, որ երեխային առևանգողները փոքրիկի 45-ամյա տատիկը և նրա նախկին հարևանն են: Նրանք երեխային առևանգել են հետագայում վաճառելու նպատակով: Մինչ այժմ երեխան չի հայտնաբերվել:
