Նոր մանրամասներ Նոր Արեշի սպանությունից. Ժագան հայտարարել է, որ Արսենի ընկերներին էլ է նույնը սպասվում. «Հրապարակ»
«Հրապարակ» թերթը գրում է. «Սեպտեմբերի 18-ին 33-ամյա Արսեն Մկոյանի սպանությունը կատարող անձը` «Ժագա» մականունով հեղինակությունը, փախուստի մեջ է: Ոստիկանության դանդաղկոտության պատճառով նա հասցրել է դուրս գալ Հայաստանից:
Ըստ արեշցիների, այդ հանցագործությունը վաղուց էր հասունանում, և եթե ոստիկանությունը պատշաճ օպերատիվ աշխատանք տաներ, հնարավոր կլիներ այն կանխարգելել: Լավատեղյակները պնդում են, որ Ժագայի թիրախում միայն Արսենը չի եղել, նրա 2 ընկերները՝ ևս: Արսենին սպանելով, նա տեղում հայտարարել է, որ մյուսներին էլ է նույնը սպասվում: Ասում են՝ պատճառն այն է, որ այս 3-ը փորձել են «չանչել իրենց պապային»»:
