Թուրքիայում մայրը դհոլ-զուռնայով, երգ ու պարով է հուղարկավորել որդուն (լուսանկարներ, տեսանյութ)
Մերսինում ճանապարհատրանսպորտային պատահարի հետևանքով զոհված ուսանողի մայրը որդու հուղարկավորությունը կազմակերպել է դհոլ-զուռնայի ուղեկցությամբ՝ պատճառաբանելով, որ ինքը հնարավորություն չի ունեցել «տղայի ուրախությունը»տեսնելու:
Ինչպես տեղեկացնում է թուրքական Sozcu կայքը, ՃՏՊ-ն տեղի է ունեցել օգոստոսի 1-ին, ինչի հետևանքով մերսինցի երիտասարդը ծանր վիրավորվել է: Հիվանդանոցում 8 օր կյանքի ու մահվան կռիվ տալուց հետո տղան մահացել է:
Դհոլ-զուռնայով, երգերով ուղեկցված հուղարկավորության արարողության ընթացքում երիտասարդի մայրն ու այլ մասնակիցներ արցունքներն աչքերին պարել են:
