Սոֆի Մխեյանը նորություն ունի
Life.panorama.am-ը գրում է․
Երգչուհի Սոֆի Մխեյանը, թեև, օրեր առաջ է վերադարձել Հայաստան, բայց արդեն իսկ նոր երգ է պատրաստում: Այն ունկնդիրների դատին կհանձնվի մինչև ամանոր: Երգի հեղինակը դեռևս սկսնակ երգահան Հասմիկն է: «Նա շրջագայության ընթացքում ստեղծագործությունն ուղարկել էր իմ ֆեյսբուքյան էջին: Երբ լսեցի, ականջս հաճելիորեն շոյվեց, բավականին գեղեցիկ երաժշտություն և խոսք լսեցի: Խոստացա վերադառնալուն պես երգը ձայնագրել: Խոսքիս տերը եղա և այժմ ընթացքի մեջ է, արդեն մի քանի օր է աշխատում ենք ձայնագրության վրա»,-Life.panorama.am-ի հետ զրույցում ժպտալով մեջբերեց երգչուհին:
