Լուսինե Թովմասյանը դուստր է ունենալու. բացառիկ լուսանկարներ
Մայրությունը բոլոր կանանց ամենամեծ տիտղոսն է: Վերջերս տեղեկացել էինք, որ գեղեցկուհի Լուսինե Թովմասյանի ընտանիքում համալրում է սպասվում:Life.panorama.am-ի հետ զրույցում Լուսինեն հաստատեց տեղեկատվությունը և նույնիսկ ավելացրեց՝ դստրիկի: Փոքրիկը լույս աշխարհ կգա մոտ երեք ամսից՝ դառնալով ծնողների ամանորյա ամենահիշարժան պարգևը: Նորաթուխ ծնողները դեռևս չեն որոշել աղջնակի անունը: Ի դեպ, հայկական ավանդական տարբերակը՝ տատիկների անունները, նրանց ցուցակում տեղ չեն գտել:
Վերջին շրջանում հայ հայտնիները մայրության բերկրանքը նախընտրում են վայելել ԱՄՆ-ում՝ այդ հսկա երկրին ևս մեկ քաղաքացի պարգևելով, սակայն Լուսինեի և Արթուրի աղջիկը կծնվի Հայաստանում. «Թեև հնարավորություն ունենք Միացյալ նահանգներ մեկնելու, բայց որոշել ենք, որ մեր աղջիկը Հայաստանի քաղաքացի կլինի, քանի որ իմ մտերիմները, ընկերները, հարազատներն այստեղ են: Սա է իմ քաղաքն ու հայրենիքը»,- նշեց գեղեցկուհին:
