Սոնա Ռուբենյանին վռնդել են Լաս Վեգասի խաղատներից :)
Սոնա Ռուբենյանն օրերս վերադարձել է Միացյալ Նահանգներից, BRAVO.am-ին էլ պատմել, թե ինչ նպատակով էր մեկնել, ինչ արկածներ է ունեցել եւ առաջիկայում ինչ անելիքներ ունի:
“Նոր ալիք 2014”-ում հանդիսատեսի համակրանքին արժանացած Հայաստանի ներկայացուցիչը սեպտեմբերի 28-ին մասնակցել է “Շանթ” եւ Լոս Անջելեսում գործող “Artn Shant” հեռուստաընկերությունների կազմակերպած հավաքական համերգին, որին ելույթ են ունեցել նաեւ “Ժողովրդական երգիչ” հեռուստանախագծի մասնակիցները:
“Համերգին հնչել են մեծ մասամբ ժողովրդական երգեր, որոնք ամերիկահայ հանդիսատեսը ջերմ ծափերով էր ընդունում: Կատարել եմ Սայաթ-Նովայի “Թամամ աշխարհ”-ը եւ “Նոր ալիք”-ում հնչած երգերից: Ամերիկահայերը կրկնակի ուշադիր են հետեւում հայկական նախագծերին. հեռուստատեսության միջոցով իրենց կարոտն են հագեցնում, անգամ այնպիսի նրբություններ են նկատել էկրանից, որ ես ուշադրություն չէի դարձրել”,-նշել է նա:
