Home Unlabelled Հավերժ փառք քեզ հերոս...Փանիկում տեղի ունեցավ զոհված զինծառայողի հոգեհանգիստը. ներկա էր նաեւ Սեյրան Օհանյանը

Հավերժ փառք քեզ հերոս...Փանիկում տեղի ունեցավ զոհված զինծառայողի հոգեհանգիստը. ներկա էր նաեւ Սեյրան Օհանյանը

Read
Այս պահին Շիրակի մարզի Փանիկ գյուղի Սուրբ Մարիամ եկեղեցում սկսվել է ազերի բաշիբոզուկների կողմից Արցախի պաշտանության դիրքերում սպանված, 20-ամյա Սիմոն Ճավռշյանի հոգեհանգիստը: Եղեկեցին և եկեղեցու բակը մարդաշատ է: Ողջ գյուղը, ինչպես նաև հարակից գյուղերի բնակիչներ, եկել և իրենց հարգանքի տուրքն են մատուցում 20-ամյա հերոսին: Հոգեհանգստյան արարողությանը մասնակցելու համար ժամանել են ՀՀ ՊՆ մեծ թվով բարձրաստիճան սպաներ` Պաշտպանության նախարար Սեյրան Օհանյանի գլխավորությամբ: Ներկա էին նաև Շիրակի մարզպետ Ֆելիքս Ցոլակյանը, ՀՀ ՊՆ գլխավոր շտաբի պետ, գեներալ-գնդապետ Յուրի Խաչատուրովը, ինչպես նաև Արցախի Հանրապետության պաշտպանության բանակի բարձրաստիճան զինվորականներ: Ինչպես գյուղից հայտնում է ֆոտոլրագրող Գագիկ Շամշյանը, այստեղ են գտնվում քաղաքական գործիչներ Պետրոս Մակեյանը, Րաֆֆի Հովհաննիսյանը, Ժիրայր Սեֆիլյանը: Մեծ թիվ են կազմում նաև բարձրաստիճան զինվորականներ: Գյուղի ժողովուրդը` ահել ու ջահել, մեծ ցավ էին ապրում ու նշում էին, որ «Լավագույն տղերքը հեռանում են»: Պաշտպանության նախարար Սեյրան Օհանյանը ցավակցական խոսք հայտնելուց հետո հերոս զինվորի ծնողներին հանձնեց Արցախի Հանրապետության նախագահ Բակո Սահակյանի հրամանագրով` «Մարտական ծառայություն» մեդալը:
Tags :
'; (function() { var dsq = document.createElement('script'); dsq.type = 'text/javascript'; dsq.async = true; dsq.src = '//' + disqus_shortname + '.disqus.com/embed.js'; (document.getElementsByTagName('head')[0] || document.getElementsByTagName('body')[0]).appendChild(dsq); })();
Технологии Blogger.