Որոնողական աշխատանքները շարունակվում են, չեզոք գոտում մեր զինվորների մարմիններ չեն գտել (տեսանյութ)
Օրեր առաջ Կարմիր խաչի միջազգային կազմակերպությունը հակամարտող կողմերին իր միջոնրդությունն էր առաջարկել բախումների ընթացքում զոհվածների մարմինները կամ գերեվարված անձանց վերադարձի հարցը կազմակերպելու հարցում: Առաջնագծում հաստատված հարաբերական հանդարտությունը թույլ տվեց կյանքի կոչել առաջարկը:
Խոսքն այս փուլում դեռ զոհվածների մարմինների որոնման մասին է: Գործընթացը համակարգող Կարմիր խաչի միջազգային կոմիտեի ներկայացուցիչները և ԵԱՀԿ գործող նախագահի անձնական ներկայացուցչի դաշտային օգնականները առաջնագիծ հասել են այդ նպատակով: Նույնպիսի մի կազմ էլ սահմանի մյուս կողմում է աշխատում:
Անվտանության երաշխիքի կրկնակի հաստատումից հետո առաջնագիծ է մտնում շարասյունը: Արցախի հարաբերական հանդարտությունը պահպանվել է օրվա ընթացքում: Դիրքապահները մանրամասնում են, որ սահմանի մյուս կողմում հատուկենտ կրակոցներ լսվել են, սակայն, դրանք վտանգավոր չեն եղել, չեն պատասխանել: Նախօերին ժամը 15-ից կրակոցները դադարել են ամբողջությամբ:
